.
..
...
....
.....

عايزة ابعتله رسالة تفرح قلبه

متفائلــــــــــــــــــــــــة

مؤمنة جدااااااااااااا بأن " لا يكلف الله نفسا الا وسعها ".

فأكيد اى مشكلة هتقابلنا هنكون قدها باذن ربــــــــــى 
حتى لو كانت مشكلة غير واااااااااقعية .

"ما المشاكل الغير واقعية بتتحل بردو بطرق غير واقعية"

متقلقش هنكون أحلى اتنين ^_^
متفائلة هعمل ايه ..:..::

أول حب

و فاكرة كل حاجة بينا
ضحكة صافية
جوه قلب دافى
وسط دنيا هادية.

فاكرة أول يوم لقانا ،
 أول كلمة قالها ليا ،
 أول صورة خدها لينا.

فاكرة أول حب ليا .....

Je t'aime ya.......

كم هو جميل!!

 لما يكون بجانبك شخص لو يزعلك ميعرفش ينام الا لو بقيتو سمنه على عسل>



مش ناس تعدى أيام أو شهور وقد يكون سنين وميسألش.!

ليلة ولا كل الليالى

ليلة ولا كل الليالى
امبارح كانت ليلة مش اى اى ولا زى زى
قلت فيها كل حاجة عن اى حاجة وطبعا انتو اكيد عرفتوا مين كان معايا
عرفتوا ؟؟


ها عرفتوا ؟؟؟

شكلكوا لسه معرفتوش عالعموم هاسيبكوا تعرفوا لوحدكوا
" اصل انا رخمة حبتين معلش"

المهم الليلة امبارح كانت........

" ليلة امتعنا فيها القمر".

ولما تكون مزعلاه ^_*

يقولها : " عقابك النهاردة انى مش هسمعك كلام حلوووو" .



" هيجبلها ورد هههههههه"

احبـــــــــــــــ ربى ـــــــــــــــــــك

عندى فكرة حلوة اتمنى اللى يعرفها يطبقها.
بما اننا - البنات يعنى -اللى بنروق البيت وساعات ببقى - اتكلم عن نفسى بقى- مدايقة مثلا فقلت اخزى الشيطان كدا " ربنا يجعل كلامى خفيف عليهم"


وانا بروق امبارح الصبح بدأت من الصالة فقلت ليه ما استغلش وقت انى بروق فى انى اذكر ربنا
يعنى مثلا فى الصالة اقول " استغفر الله العظيم " وافضل اقولها لعند اما اخلص الصالة
وفى الطرقة اقول " لا حول ولا قوة الا بالله"
وفى الاوض اقول " سبحان الله والحمد لله والله اكبر ولا اله الا الله "
وامشى كدا فى كل البيت طبعا بالاذكار اللى بحبها وبتريحنى بجد انا عملت الموضوع ده وكنت مرتاحة جدااااااا لان ربنا هدانى لفكرة زى دى.
اكيد فى ناس كتير بتعملها طبعا



حاولوا  تجربوها  ^_^

كلام جوايا

لالالالا بقى مهو مش كل اما تطلبنى اروحلها على طووول
كل حاجة تقولى تعالى معايا وانا بصراحة زهقت خلاص
أينعم انا اول ما بتقولى تعالى معايا فى مشوار بروح بسرعة
هاعمل ايه منا بتكسف اقولها لا.
وبعدين انا بصراحة ماشية بمبدأ انى لوأقدراعمل الحاجة يبقى اعملها
وبقول طالما مفيهاش حاجة اعملها اللى هى عايزاه
بس هى تقريبا كدا من النوع اللى - لو سكتناله دخل ب........ -
و صراحة كدا دى الحته اللى قلقانى منها.
بس يوم ما بطلع معاها مشوار برجع مطحونة مشى .


اعمل ايه اروح معاها المشوار بتاع بكرة ولا ايه ؟؟؟؟


انا بسألكوا  ليه أكييييييد ان شاء الله انى هاروح هو انا عندى خيار تانى

يالا . الحمد لله.






( لو عندكو صورة مناسبة للكلام ده حطوها . هههههههه)

الولد مش زى البنت

ودايما ...
دايما كنت شايفة الناس اللى بتقول الولد مش زى البنت ناس معقدة ومش كويسة
وكنت ازعل لما حد يقولى انتى بنت لكن هو ولد.
متعمليش كذا عشان هو راجل لكن انتى بنت
طول عمرى بقول البنت زى الولد مفيش فرق بينهم .



لكن من دلوقتى اقدر اقولكم - واعترف لنفسى بردو- انو فعلا الولد مش زى البنت ولا البنت زى الولد

" هو ولد و هى بنت ".

اراك فتحلو لدي الحياة ويملأ نفسي صباح الأمل
وتنمو بصدري ورود عذاب وتحنو على فلبي المشتعل
ويفتنني فيك فيض الحياة وذاك الشباب الوديع الثمل”

ابو القاسم الشابي

انت ...... ايوه انت.

-_- الراعى الرسمى الوحيد لفرحتى"::"

هو" ::::"" أنــت.

براءة مفيش زيها بجد

ابن عمى " عمرو " بيسألنى ببراءة الأطفال يقولى :

" ابلة هو الخيال هو الحقيقة ؟!"

^_*

وبحوش قلبى عنك بالعافية *

وبردو بيفكر فيك .!!

محمد المصطفى" صل الله عليه وسلم "

واشهد انه لا اله الا الله .................. وان سيدنا محمد رسول الله

بيحبها اكتر

اه ...........

هى عارفة انها بتحبه وبتموت فيه،

بس هو متأكد انو بيحبها اكتر .

"يارب اجمعهم على خير"

حلم

ولما رجع من سفره

اول حاجة عملها

بوسه على خدها

وقال لها :" مش نبطل مشاكل بقى"

أمـــــــــى

امى

"كم انتى عظية ................ أماه"

وانا كنت نايمة بالليل لاقيت أمى داخله عليا وبتقولى خدى يا بنتى كشاف الكهربا ده (اصل الجو بره هوا وبيمطر جاااااامد واحتمال النور يقطع ابقى ولعى الكشاف عشان متخافيش)
قولتلها حاضر ونمت بعد شوية فعلا النور قطع ولولا ان امى مجبتش الكشاف مقولكوش كان ممكن اعمل ايه؟؟؟؟؟؟
بجد امى دى ست عظيمة عظيمة عظيمة .............. اعظم عظيمات الستات (بجد مش بهزر  هههههههه)


شكـــــــــــــــــــــــــــــــــــــــــــ يا ربى ــــــــــــــــــــــــــــــــــــــــــــــ يا أمى ــــــــــــــــــــــــــــــــــــــــــــــــــــرااااااااااااااا

يارب احفظ امى واجعلنى بارة بها وبوالدى ايضاااااااااا...!

واحد فبراير

ولتانى مرة على التوالى ........ ما احتفلش بعيد ميلادى


وكله بسبب الثورة (ثورة 25 يناير) .........

بس يالا اهو كله فى حب مصر

احسااااااس

وكل اما تحس انها خلاص ماتت
.
.
.
.
.
.

تحرك صباع رجلها الصغير....... وبعدها تتطمن!